Categories
Хабарҳо

Россия низоми муҳоҷиратро соддаю осон мекунад

Поделиться

Дар Россия, ба зудӣ тарҳи қонуне таҳия хоҳад шуд, ки ба соддаю осон кардани кору зиндагии муҳоҷирони меҳнатӣ дар кишвар равона шудааст

     Генерал-майор Валентина Казакова, сардори Сарраёсати умури муҳоҷирати Вазорати корҳои дохилии Россия гуфт, ба қарибӣ дар кишвар тарҳи қонуни нав барои содда кардани зиндагии муҳоҷирони меҳнатӣ омода мешавад.
     Валентина Казакова дар ҷаласаи Шӯрои равобити байни миллатҳои назди Президенти Россия аз иқдоме гуфт, ки ба ислоҳоти қонунгузории муҳоҷират дар Россия равона гардидаанд. “Якҷоя бо мақомоти дахлдори иҷроия, мо аллакай лоиҳаи қонуни нави федералиро омода кардем”, –  гуфт генерал-майор.

     Ӯ тавзеҳ додааст, ки дар лоиҳа баробари ислоҳоти низомҳои мухталиф барои шаҳрвандони хориҷӣ, имкони дароз кардани мӯҳлати будубош, аз ҷумла барои фарзандони муҳоҷиронро пешбинӣ шудааст.

     “Мо лоиҳаи ин қонуни федеролиро пешниҳод мекунем, эҳтимолан дар охири соли равон”, – илова кард мақомдори ВКД.

     Ёдовар мешавем, ки қаблан Валентина Казакова борҳо дар бораи ҷузъиёти нақшаҳои Вазорати умури дохилӣ дар самти содда кардани қонунгузории муҳоҷират дар Россия сӯҳбат карда буд.

     Аз ҷумла дар доираи ин ислоҳот дар назар аст, ки низомҳои муҳоҷират тақсим карда шаванд, бархе расмиёт барои қабули муҳоҷир ба кор лағв гарданд ва инчунин санади “РВП” – иҷозатномаи иқомати муваққатӣ умуман аз байн бурда мешавад.

Дар асоси маводҳои sputnik-tj.com