Categories
Хабарҳо

Соҳаи кишоварзи бидуни муҳоҷирон вуҷуд дошта метавонад?

Поделиться

Коршиноси рус, доктори илмҳои иқтисодӣ, собиқ муовини вазири кишоварзӣ ва озуқавории Россия Леонид Холод шарҳ дод, ки чӣ гуна метавон муҳоҷиронро бештар соҳаи кишоварзии Россия ҷалб кард.

     Бахши кишоварзии Россия дар баъзе аз соҳаҳо ба меҳнати дастӣ ниёз дорад. Бештар ин ба шуғли мавсимӣ рабт дорад, гуфт доктори илмҳои иқтисодӣ, собиқ муовини вазири кишоварзӣ ва озуқавории Россия Леонид Холод дар мусоҳиба бо Sputnik Тоҷикистон.

     “Сабзавоткорӣ ва мевапарварӣ ин он соҳаҳое мебошанд, ки ба шуғли мавсимӣ ниёзи зиёд доранд”- гуфт Холод. “Дар давраи Шӯравӣ ҳамин корро донишҷӯён анҷом медоданд. Баъд аз фурупошии Иттиҳоди Шӯравӣ ҷои донишҷӯёнро муҳоҷирони меҳнатӣ гирифтанд”.

      Коршинос қайд кард, ки сатҳи музди меҳнат дар бахши кишоварзӣ чандон зиёд нест, чунки онро  арзиши бозории маҳсулот муайян мекунад. Леонид Холод илова кард, ки  аксари муҳоҷирон аз малакаҳои умумӣ бархурдоранд, ки барои соҳаи кишоварзӣ муфид мебошанд.

     Ба гуфтаи доктори илмҳои иқтисодӣ, мушкилоти асосие, ки дар соҳа ба назар мерасад, ин норасоии муҳоҷирон аст.  Баста шудани марзҳо ва тағирёбии қурби рубл,  ба музди меҳнати кирояи муҳоҷирон таъсири ҷиддӣ  расонидааст.

     Коршиноси рус таъкид дошт, ки агар масъалаи музди меҳнатро метавон қисман бо роҳи ҷубронпуливу дигар имтиёзҳо ҳал кард, масъалаи норасоии қувваи корӣ бошад метавон танҳо бо роҳи барқарор кардани парвозҳои муқаррарӣ ҳал кард.

Манбаъ: Sputnik Тоҷикистон